Talemålsavvik i nynorsktekstar på niande trinn
Abstract
Denne mastergradstudien har som mål å avdekkja om private skriftpraksisar elevar nyttar kan påverka deira standardskriftspråk. Studien fokuserer i hovudsak på moglegheiter for påverknadar frå sosiale medium, og la til grunn at mykje av skrivinga ein finn på sosiale medium kan kategoriserast som talemålsnær. Studien nyttar eit tverrsnittdesign, med ein blanding av kvantitativ elevtekstanalyse, og spørjegransking. Studien hadde 16 respondentar frå 9. trinn ved ein skule i Indre Sogn, med nynorsk som hovudmål. Desse svara ut eit spørjeskjema om språkvanar i sosiale medium, samt samtykkja til analyse av førre tentamenstekstar dei hadde gjennomført. Spørjegranskinga synte fleirtalet av respondentane føretrakk å skriva dialekt i sosiale medium, og at over halvparten av dei opplevde å få skrivefeil som likna dialektord, når dei skriv i skulesamanhengar. I elevtekstanalysen vart i alt 19129 ord analysert, og det vart avdekt 490 avvik, noko som tilseier 2,5 avvik per 100 ord. 52 prosent av alle avdekte avvik var talemålsnære, noko som gav 1,3 talemålsnære avvik per 100 ord. Elevtekstanalysen avdekte i tillegg ein del avvik med særskriving, dobbel konsonant og og/å.
Description
Masteroppgåve i læring og undervisning, Institutt for pedagogikk, religion og samfunnsfag