Zambiske verdiar i eit samfunn i endring

Abstract

Denne oppgåva er skriven i samband med “Global Knowledge”- studiet og mitt tre månadars praksisopphald i Zambia. I mitt prosjektarbeid: “Zambiske verdiar i eit samfunn i endring", har eg forsøkt å finne ut kva verdiar nokre zambiarar ser som viktige verdiar for dei, samt om verdiane har endra seg og korleis. Problemstillinga er: Kva uttrykker nokre zambiarar som viktige verdiar for dei og kva seier dei har endra seg knytt til verdiar i det zambiske samfunnet? Eg intervjua to menn og ei dame, samt at eg utførte ei spørjeundersøking med elevar på ein zambisk skule, som supplement for oppgåva. Hovudtema frå teorien som eg nyttar for å belyse problemstillinga er kultur, verdsbilete Ubuntu, samt tradisjonelle og moderne samfunn. Avslutningsvis vil eg trekkje dei viktigaste trådane i mål om å sjå heilheit i oppgåva, samt å setje lys på enlighten moglege svar på problemstillinga.