dc.contributor.author | Haldorsen, Rolf Martin | |
dc.date.accessioned | 2022-08-02T10:27:21Z | |
dc.date.available | 2022-08-02T10:27:21Z | |
dc.date.issued | 2022 | |
dc.identifier.uri | https://hdl.handle.net/11250/3009757 | |
dc.description | Master i kreative fag og læreprosessar, SLKI | en_US |
dc.description.abstract | Eit praksisleia forskingsprosjekt er gjennomført, med basis i metodar som er brukt i komponering og produksjonspraksis til bluesrockbandet «Tubesnakes». Forfattaren av dette forskingsprosjektet er vokalist, gitarist og med-komponist i bandet. Undersøkinga legg særleg vekt på fenomenet referansar som bandmedlemmene nyttar når dei kommuniserer musikalske idear utan bruk av nokon form for noteark eller akkord-skjema.
Datagrunnlag for undersøkinga er bandet sine tidlegare plateutgjevingar «Walking» og «Tarred and Feathered» og den enno ikkje utgjevne «Handful of Dust». I tillegg har ein gjennomført eit kvalitativt gruppeintervju og samtaleøkt der ein diskuterte bandet sin komponerings- og produksjonspraksis med utgangspunkt i demoar, preproduksjonar og øvingsopptak som låg til grunn for innspeling av «Tarred and Feathered». Funna i undersøkinga er mellom anna at eit forskingsfokus på komponerings- og produksjons-praksis har demokratisert komponerings- og produksjonspraksisen slik at alle banddeltakarar no føler dei er meir involvert enn før. Eit anna funn er at ein i stor grad tar i bruk kroppsspråk når orda ikkje strekk til under kommunisering av musikalske idear, og den musikalske kompetansen, uttrykt som ‘taus kunnskap’ er del av prosessen.
Forskingsspørsmål for undersøkinga har vore:
1. Korleis formar bruken av musikalske referansar komposisjons- og produksjonspraksisen til bluesrockbandet «Tubesnakes» og korleis vert slike referansar kommunisert?
2. Kva overføringsverdi har innsikt i denne prosessen for andre som opererer i same felt?
Med utgangspunkt i forskingsspørsmåla og funn har ein plassert «Tubesnakes» sin komponerings- og produksjonspraksis innanfor uformell læring, og argumentert for korleis «Tubesnakes» kan kategoriserast som eit praksisfellesskap. Undersøkinga kan vera interessant for andre grupper som operer innanfor ein uformell lærepraksis: band og samspelsgrupper i tillegg til musikklærarar i skule og kulturskule. | en_US |
dc.language.iso | nno | en_US |
dc.publisher | Høgskulen på Vestlandet | en_US |
dc.rights | Navngivelse 4.0 Internasjonal | * |
dc.rights.uri | http://creativecommons.org/licenses/by/4.0/deed.no | * |
dc.title | Ei praksisleia undersøking av bluesrockbandet «Tubesnakes» sin komponerings- og produksjonspraksis | en_US |
dc.title.alternative | A practice-led study of the composing and production practice of the blues/rock band “Tubesnakes” | en_US |
dc.type | Master thesis | en_US |
dc.description.localcode | MACREL-OPG | en_US |