På Øvingsrommet: Ein videopodkast om øving og motivasjon

Abstract

I denne masteroppgåva har eg produsert eit podkast-design, og samtalar med fire profesjonelle musikarar om øvingspraksis og korleis dei motiverer seg. Problemstillinga er: «korleis kan eit multisensorisk intervju med fire profesjonelle musikarar skape kunnskap om øving og motivasjon?». For å svare på korleis kunnskapen vert formidla i podkasten nyttar eg Theo Van Leeuwen sine fire multimodale komponentar: rytme, komposisjon, informasjonslink og dialog. Vidare føreslår eg ei bevisstgjering av multimodalitetars funksjonelle spesialisering som eit metodisk verktøy for å effektivisere tematettleiken i akademiske podkastar. Studien indikerer at uformelle strategiar for øving som til dømes aktiv lytting, sosial læring saman med tradisjonell sosiokulturell lærings-, og motivasjonsteori kan føre til høgare self-efficacy. Video-podkasten På Øvingsrommet er tilgjengeleg på YouTube. Dei 12 episodane er mellom 15-35 minuttar lange, og under kvar episode ligg lenker til oppsummeringsliste frå episodane. «Lærdommane» kan nyttast som tips til øving, inspirasjon eller læringsressursar for musikkelevar i alderen 15-25.