Indre motivasjon og medverknad

Abstract

Denne bacheloroppgåva er ei kvantitativ studie som omhandlar indre motivasjon og elevmedverknad på ungdomstrinnet. Problemstillinga som skal svarast på er som følgande: «Er det samanheng mellom grad av elevmedverknad og indre motivasjon på ungdomstrinnet?» For å svare på denne problemstillinga er det blitt gjennomført ei kvantitativ studie der data frå elevar på ungdomsskuletrinnet er blitt samla inn. Resultatet har blitt drøfta i lyset av relevant teori presentert i teoridelen av denne oppgåva. Ved å sjå på funna i denne undersøkinga kan ein anta at elevmedverknad kan påverke den indre motivasjonen til elevar i positiv grad, og at ulike aspekt ved elevmedverknad har større påverknadskraft enn andre.