Samarbeid skriv vi med to bokstavar: VI : ei kvalitativ undersøking om kva erfarne lærarar vektlegg i eit godt heim-skule samarbeid?

Abstract

Temaet i denne oppgåva er heim-skule samarbeid. I ynskje om å få ei breiare og djupare forståing av kva erfarne lærarar vektlegg i eit godt foreldresamarbeid, valte eg å nytte ein kvalitativ metode i form av å intervjue tre lærarar. Eg har sett på kva som kjenneteiknar eit godt foreldresamarbeid, formålet med samarbeidet, ulike samarbeidsformer og potensielle utfordringar. Lovverk og tidlegare forsking utgjer teorigrunnlaget i oppgåva. Forskinga visar at informantane vektlegg å få til ein god relasjon der samarbeidet kjenneteiknas av ein gjensidig og positiv kontakt. Undersøkinga mi viser også kor verdifull rolle alle partane i samarbeidet har. På trass av dette kunne det sjå ut som at mangel på tid kan utfordra samarbeidsforholdet.