Lærarens arbeid med munnleg aktivitet

Abstract

Elevane si munnleg aktivitet er avgjerande for læraren sitt arbeid i skulen. Det er gjennom munnleg aktivitet læraren kan tileigna seg kunnskap om korleis elevane opplever skulekvardagen, kva elevane lærer, korleis dei kan hjelpast vidare og ikkje minst i tilrettelegging for samarbeid, slik at elevane kan hjelpa kvarandre i læringsarbeidet. Dette var utgangspunkt for vår interesse for å undersøkja korleis eit utval lærarar arbeider med å skape gode forhold, slik at alle elevane kan syne sin munnlege aktivitet gjennom klasseleiing. Vi var også interessert i kunnskap om korleis dei arbeider med dei elevane som ikkje er så munnleg aktive. Dette vart utgangspunkt for problemstillinga: Korleis arbeider lærarane med å skape gode føresetnader for munnleg aktivitet gjennom klasseleiing? For å få svar på problemstillinga gjennomførte vi intervju med fire lærarar som har erfaring nok til å gje oss eit innblikk i korleis lærarane arbeider med elevane si munnleg aktivitet i klasserommet. Analysen av intervjua synleggjorde tre kategoriar som synar korleis lærarane arbeider. Desse er: a) skape eit godt klassemiljø, b) utvikling av gode relasjonar og c) arbeid med struktur og orden i klasserommet. Dette er faktorar vi kjente igjen frå litteraturen om klasseleiing. Dette støtter vår avsluttande refleksjon som synar at arbeid med god klasseleiing er viktig for å skape munnleg aktivitet i klasserommet.