Digitale objekts plass i barns sosiale og språklege danning i barnehagen (DIGOB): Prosjektnr. NFR: 187576

Abstract

DIGOB-prosjektet har hatt som siktemål å studere barns aktivitet rundt datamaskinen i barnehagen. Prosjektet har tre delstudier med til dels ulike perspektiv. I delstudie 1 studerer vi det språklege samspelet rundt barns leik med digitale spel. Delstudie 2 ser på roller og inklusjon i barn-barn og barn-vaksen samspel rundt bruk av digital teknologi i barnehagen. Eit viktig perspektiv i begge desse studiane har vore å sjå på dei vaksne si rolle i høve til barna sin databruk. Delstudie 3 er ei nasjonal spørjeundersøking blant styrarar i norske barnehagar om utbreiing av og haldningar til digitale verktøy i barnehagen. Analysane viser på den eine sida at dei fleste barnehagane brukar digitale verktøy i dei pedagogiske aktivitetane og at haldninga generelt sett er positiv. På den andre sida vert det vist til nokre utfordringar når det gjeld førskulelæraren si rolle i dei digitale kontekstane. Analysen knytt til dei digitale spela viser at pedagogane strevar med å finne sin plass mellom barnet og teknologien, og at det er eit stort behov for å utvikle kompetanse på feltet både på individuelt og organisatorisk nivå.