Å lære å bli lærar : om læring og undervisning i fag, tema og ferdigheiter i ny lærarutdanning

Langfeldt, Gjert; Moe, Vegard Fusche; Apelseth, Arne; Fretland, Jan Olav; Sørheim, Bjørn; Haara, Frode Olav; Sætre, Per Jarle; Pedersen, Jon Helen; Ulvestad, Hilde Aga; Standal, Øyvind Førland; Werler, Tobias
Research report
Thumbnail
Åpne
Permanent lenke
http://hdl.handle.net/11250/149603
Utgivelsesdato
2011
Metadata
Vis full innførsel
Samlinger
Sammendrag
Lærarutdanningane er i støypeskeia. Frå hausten 2011 blir studentar tekne opp til

Grunnskulelærarutdanning og ikkje til Allmennlærarutdanning. Denne rapporten

dokumenterer korleis ein arbeider ved HiSF for å fylle ei målsetjing som kan uttrykkast

slik: Undervisninga som blir gitt i lærarutdanningane er den måten ein oppfyller dei

nasjonale målsettingane for lærarutdanningane på. Det å ta reforma på alvor, å studere

kva den betyr for dei ulike faga, står fram i rapporten som HiSF sitt alternativ til å

tilpasse seg nye retningslinjer på enklast muleg vis: Kvalitet i undervisninga er det målet

som alle bidragsytarane er opptekne av og skriv om. Rapporten gjer greie for korleis

dette skjer på tvers av fag, og viser også korleis reforma set rammevilkår som skapar nye

faglege dilemma.
Beskrivelse
Læringsforsking er eit prioritert område for forskings‐ og utviklingsarbeid ved Høgskulen i Sogn og Fjordane. I 2009 etablerte høgskulen tre forskingsgrupper innan læringsforsking. Denne rapporten gir uttrykk for diskusjonar og seminar som har vore hovudsporet til forskingsgruppa “Læring og undervisning i fag, tema og ferdigheiter” i 2010‐11. Med basis i Kunnskapsløftet, ny lærarrolle og ny lærarutdanning har forskingsgruppa “Læring og undervisning” lagt vekt på diskusjonar om faglegheit i lærarutdanninga. Desse har kort og godt handla om kvalitet på opplæringa. Kva er innhaldet i ny lærarutdanning? Korleis kan me omdanna nasjonale føringar til lokale undervisningsopplegg som skal læra lærarstudentar å bli lærarar på ein måte som svarer til utfordringar og krav studentane møter seinare som profesjonsutøvarar? Kva bør vektleggast i opplæringa? Korleis kan prioriteringar grunngjevast? Forskingsgruppa “Læring og undervisning” har sidan starten i 2009 vore sett saman av tilsette som representerer alle faga i lærarutdanninga ved HiSF inkludert pedagogikk. Dei siste to åra har ei gruppe på ni interne medlemmar frå norsk (Jan Olav Fretland og Arne Apelseth), engelsk (Bjørn Sørheim), matematikk (Frode Olav Haara), samfunnsfag (Per Jarle Sætre), religion, livssyn og etikk (Jon Helen Pedersen), kunst og handverk (Hilde Aga Ulvestad), kroppsøving (Vegard Fusche Moe) og pedagogikk (Gjert Langfeldt) drøfta spørsmåla ovanfor med utgangspunkt i statusen til faga når me diskuterer opplæring, og korleis denne statusen kan utforskast med allmennpedagogiske vurderingar. Mot slutten har også to eksterne bidragsytarar blitt med på rapporten. Øyvind Førland Standal frå Norges idrettshøgskole er medforfattar på kapitlet om kroppsøving og Tobias Werler frå Høgskulen i Volda bidreg med eit kapittel om faget pedagogikk og elevkunnskap. Arbeidet har blitt leia av professor Gjert Langfeldt og førsteamanuensis Vegard Fusche Moe. Målgruppa til rapporten er alle som er opptekne av opplæring i høgare utdanning. Spesielt er rapporten meint for tilsette og studentar i lærarutdanninga ved HiSF og ved andre lærarutdanningar. Me håpar rapporten gir eit godt bilete av mangfaldet i spørsmål om opplæring og at den kastar eit tydeleg lys på forholdet mellom undervisning og læring på den eine sida og fagdidaktikk og pedagogikk på den andre sida.
Serie
HSF-Rapport;6/2011