Eit studie av flyt i teikning

Abstract

I dette kunstfagdidaktiske FoU-arbeidet har eg undersøkt fenomenet flyt i teikning i lys av forskingsspørsmålet: - Kva karakteriserer, og korleis kjenneteiknast flyt i samband med teikning? Ved hjelp av ein kvalitativ metode og med ei fenomenologisk-hermeneutisk tilnærming var målet å freiste å finne samanhengar og koplingar som kunne gi auka forståing kring flyt i teikning. Ved å undersøkje resultata i lys av estetisk teori, vart funna gjort meir komplekse. Det tredde fram at Csikszentmihalyi (2003) sin flyt-teori rører ved heile den skapande og kunstnariske aktiviteten, der fenomenet flyt er ein del og ein konsekvens av denne. Undersøkinga avdekka også, slik Næss (2005) snakkar om, at ved å vere til stades i nået, og gleda over å vere oppslukt i ein aktivitet, er av verdi. Det vistes også at teikning kan vere prosess og bilde, og at det skapast nye tankar og handlingar gjennom dette, slik Højlund (2011) snakkar om. Også Røed (2019) sine estetiske dydar som tek føre seg betydinga av å beherske eit handverk, samt viktigheita av tilbaketrekking, gav klare perspektiv kring fenomenet flyt i teikning. Eg har gjennom arbeidet med denne masteroppgåva sett at samanhengane mellom flyt og teikning er essensielle for den skapande prosessen og utøvinga. Dette har gitt meg eit vesentleg bidrag til eiga utvikling som visuell kunstnar og kunstfagleg lærar. I tillegg vistes det også at oppleving av flyt kan vere av grunnleggande verdi for tilværet og livet