Uteskule som arena for å utvikle det psykososiale miljøet -eit innblikk i lærarar sine refleksjonar
Master thesis
Åpne
Permanent lenke
https://hdl.handle.net/11250/3073910Utgivelsesdato
2023Metadata
Vis full innførselSamlinger
Sammendrag
Arbeid med psykososialt miljø er noko lærarar er pålagd og i denne studien har eg valt å sjå på det i forhold til uteskule. Føremålet med denne oppgåva har vore å sjå på lærarar sine refleksjonar kring uteskule og psykososialt miljø. Denne studien er basert på kvalitativ forsking, der datamaterialet er henta inn gjennom observasjon og intervju. Observasjonane er gjennomført på uteskule med barneskuleklassar og eg har intervjua ein lærar frå kvar klasse etter observasjonen. Eg har nytta eit hermeneutisk forskingssyn og gjennomført ei tematisk innhaldsanalyse av datameatrialet. Eg har kategorisert funna i seks kategoriar i tillegg til generelle funn. Dei seks kategoriane er: Leik, samhandling, elevsentrerte oppgåver, lærarrolla, uterommet og samtale. Lærarane sine refleksjonar blir kopla saman med eksempel frå observasjonane. Eg diskuterer funna opp mot sosiokulturell teori og tidlegare forsking på uteskule. Det kjem fram at informantane meiner fleire faktorar med uteskule kan bidra til å betra det psykososiale miljøet. Eg har samanfatta dette og forsøker å tydeleggjera samanhengane som kjem fram. Det kjem fram ein tendens som viser at moglegheitene uteskule gir for samtale og aktivitet kan vera sentrale faktorar for utviklinga av det psykososiale miljøet. Vidare koplar eg dette saman med elevsentrerte oppgåver, leik og sosiale relasjonar.
Beskrivelse
Masteroppgåve i spesialpedagogikk Fakultet: Fakultet for lærarutdanning, kultur og idrett
Institutt: Institutt for pedagogikk, religion og samfunnsfag