Bruk av konkretiseringsmateriell for å hjelpa elevar med matematikkvanskar
Master thesis
Permanent lenke
https://hdl.handle.net/11250/3016791Utgivelsesdato
2022Metadata
Vis full innførselSamlinger
Sammendrag
Føremålet med studien er å undersøkja kva erfaringar lærarar har med bruk av konkretiseringsmateriell for å leggja til rette for elevar med matematikkvanskar på ungdomsskulen i ordinær undervisning. Dette vart undersøkt innanfor kvalitativ metode i form av semistrukturerte intervju. Informantane i studien er avgrensa til fire lærarar på tre ulike skular. Studien byggjer på teori og forsking omkring elevar med matematikkvanskar og konkretiseringsmateriell, samt anna relevant litteratur og forsking på feltet. Lærarane løfter fram ulike erfaringar knytt til bruk av konkretiseringsmateriell. Det blir trekt fram at bruk av konkretiseringsmateriell både kan auka forståinga og motivasjonen til elevar med matematikkvanskar. Til tross for dette har det vist seg at bruk av konkretiseringsmateriell også kan ha negativ effekt på elevane sitt læringsutbyte. Elevar med matematikkvanskar kan til dømes ha problem med å kopla konkretiseringsmateriella opp til matematikken. Vidare peikar lærarane på didaktiske faktorar som er sentrale i arbeid med å leggja til rette for elevar med matematikkvanskar medan dei bruker konkretiseringsmateriell. Dei ulike didaktiske faktorane er lærarar, organisering, tid og utstyr. Funna i studien kan ikkje generaliserast, men kan bidra til auka kunnskap om bruk av konkretiseringsmateriell for elevar med matematikkvanskar på ungdomsskulen i den ordinære undervisninga.
Beskrivelse
Grunnskulelærarutdanning 5.-10. trinn
Fakultet for lærarutdanning, kultur og idrett
Institutt for språk, litteratur, matematikk og tolking
Innleveringsdato: 16.05.2022