| dc.description.abstract | Problemstillinga eg ønskjer å finne svar på er: Korleis leggje til rette slik at minoritetsspråklege elevar forstår det faglege innhaldet i undervisninga når dei ikkje meistrar språket som blir nytta fullt ut?
Eg tek føre meg minoritetsspråklege elevar i grunnskulen, då det er på trinna 1-7 eg ein dag skal undervise. Om lag 50% av grunnskulane i Sogn og Fjordane har under 100 elevar, og 18,1 % av elevtalet i fylket går på skular med mindre enn 100 elevar (Pedersen, 2014). Det er altså stor variasjon i skulestorleiken i fylket. Eg ønsker å undersøke om dette påverkar organiseringa av den særskilde norskopplæringa. Oppgåva sin storleik set grenser for kor mange skular det er hensiktsmessing å besøke. Eg har difor valt å utføre ei komparativ studie der eg samanliknar ein sentrumsskule med mottaksklasse, og ein mindre skule med få minoritetsspråklege elevar. For å avgrense oppgåva har eg altså valt å fokusere på korleis skular med få minoritetsspråklege elevar legg til rette opplæringa i forhold til skular med mange minoritetsspråklege. Korleis organiserer skulane norskopplæringa til minoritetsspråklege elevar, og korleis sørgjer dei for at elevane får tilfredsstillande måloppnåing i alle fag jamfør Kunnskapsløftet?
Eg tek føre meg kva metode eg nytta for å finne svar på problemstillinga i del 2. Del 3 inneheld aktuell teori knytt til emnet, og del 4 handlar om kva nasjonale retningslinjer skulen må forholde seg til i møte med minoritetsspråklege elevar. I del 5 presenterer eg innsamla datamaterialet, før eg i del 6 samanliknar skulane eg besøkte. Til slutt kjem ein konklusjon på problemstillinga i del 7. | nb_NO |
