Skjønnlitteratur : kva erfaringar har lærarar på mellomtrinnet med bruk av skjønnlitteratur som innfallsvinkel på vanskelege tema?

Abstract

I denne oppgåva var målet mitt å finne ut kva erfaringar norsklærarar på mellomtrinnet har med bruk av skjønnlitteratur som hjelp til å ta opp og drøfte vanskelege tema. «Kva erfaringar har lærarar på mellomtrinnet med bruk av skjønnlitteratur som innfallsvinkel på vanskelege tema?» For å avgrense «vanskelege tema» har eg i denne forskinga valt å ha mest fokus på arbeid med skjønnlitteratur inn mot mobbing. Eg vil også kome inn på korleis lærarane arbeider generelt med skjønnlitteratur, og kva erfaringar dei har. Dette er fordi eg ynskjer å få meir kunnskap om kva

lærarane legg vekt på når dei arbeider med litteratur. Som framtidig lærar ser eg på dette som viktig, særleg i og med at arbeid mot mobbing står svært sentralt i skulekvardagen. I denne teksten vil eg bruke ordet litteratur synonymt med skjønnlitteratur.