Kompetansemobilisering Kva gjer pedagogiske leiarar for å mobilisere kompetansen i teamet sitt?

Abstract

Denne oppgåva handlar om temaet pedagogisk leiing og kompetansemobilisering. Som pedagogisk leiar har ein ansvar for eit team, og skal sørge for at alle dei tilsette får brukt kompetansen sin. Føremålet med oppgåva er at eg sjølv vert bevisst på korleis eg går fram som ein framtidig pedagogisk leiar, for å dra nytte av den formelle og uformelle kompetansen til dei tilsette. Vidare vil eg finne ut kva konsekvensar det får for teamet dersom medarbeidarar ikkje får bruke kunnskap, erfaring og kompetanse i arbeidet sitt. Eg vil finne ut korleis eg går fram for å ivareta medarbeidarane og kva som er viktig i denne prosessen.