Utvalde kulturlandskap i jordbruket (UKL), område Lærdal, Sogn og Fjordane Del 3:Lokalitetar

Abstract

Kulturlandskapet i Lærdal er utpeika som «nasjonalt utvald kulturlandskap i jordbruket» (UKL Lærdal). Denne ordninga er ei oppfølging av nasjonale mål om å ivareta variasjonen innan det tradisjonelle kulturlandskapet i landet. Kulturlandskap med lang kontinuitet og stor artsrikdom har framleis stor utbreiing i Lærdal.

Denne rapporten er del 3 i ein serie på tre delar om UKL Lærdal. Den skildrar eit utval av konkrete delområde.Her blir representativitet vektlagt, dvs. ein prøver å vise variasjonsbreidda av kulturlandskap i Lærdal gjennom konkrete eksempelområde. Kvart av dei 23 eksempelområda er omtala med denne strukturen: 1. naturtype, 2. lokalisering og naturgrunnlag, 3. historisk bakgrunn, 4. naturtypar og biologisk mangfald, 5. kulturhistoriske verdiar, 6. dagens bruk og tilstand og 7. verdivurdering. Det er også ei oversikt over andre viktige kulturlandskapsområde som ligg i Naturbase (Miljødirektoratet) og Askeladden (Riksantikvaren). Til slutt er det ei oppsummering og framlegg til prioriteringar og tiltak