Skole og konsert - frå formidling til dialog (DiSko): Produksjosrapport

Abstract

Produksjonsrapport 1 inngår i ein serie planlagde rapportar frå prosjektet Skole og konsert – frå formidling til dialog (DiSko). Desse rapportane blir utforma undervegs med og parallelt med FOU- prosessen og er ein del av arbeidet med å dokumentera prosjektet og spreie informasjon til aktuelle brukarar, t.d. skular, høgskular og universitet, interesserte musikarar, tilsette i DKS og fylka sine produksjonsmiljø. Produksjonsrapport 1 sitt datagrunnlag og bakgrunnsmateriale er observasjon, filmar, bilete, opptak av lyd, forskingsnotat (sjå vedlegg 2), refleksjon og analyse frå prosjekthendingar, t.d. musikarbesøk som er gjennomført på prosjektet sine fire skolar hausten 2017. Dette var prosjektet sitt semester nummer to, og det første med vekt på å gjennomføra aktivitetar direkte med elevar. Det første semesteret gjorde forskarane kartlegging av skolane gjennom observasjon og intervju med representantar for personalet. Resultata frå den kartlegginga er publisert i Tilstandsrapport 12. Produksjonsrapport 1 gjer greie for aktivitetar som har gått føre seg på skolane hausten 2017 og forskarane sin analyse av aktivitetane. Forskarane kjem og med klare råd for vidareføring av desse aktivitetane i retning av pilot-produksjonar våren 2018. Planen for desse pilotane er at dei vil kunne utviklast til eksempel/prototypar som kan vere rådgjevande for produksjonar og prosjekt som fylke, kommunar og kunstnargrupper kan setja i gong.