Val av skjønnlitteratur i undervisninga: kva vurderingar norsklærarar gjer når dei vel ut kva skjønnlitteratur dei nyttar i undervisninga si

Abstract

Lærarar gjer mange vurderingar i skulekvardagen. Vala dei gjer er styrte av læreplanen, som både fungerer som ei rettesnor for skulen og som inspirasjon for undervisninga. Læreplanen er også eit av dei viktigaste styringsmidlane staten har overfor skulen. I denne oppgåva skal eg sjå på kva vurderingar norsklærarar gjer når dei vel ut skjønnlitteratur til bruk i klasserommet. Læreplanen har gitt dei rammene, men det er opp til skulen og oftast kvar einskild lærar å fylle ut desse rammene, slik at elevane skal ha mogelegheit til å nå kompetansemåla for sitt årstrinn. Gjennom intervju av to norsklærarar på mellomtrinnet, har eg freiste å setje lys på denne valsituasjonen, og dei ulike vurderingane som gjer seg gjeldande. Aktuell og relevant teori og forsking er trekt inn for å synleggjere og understreke tema som spelar inn i denne utveljinga som lærarar gjer når det gjeld kva skjønnlitterære tekstar dei nyttar seg av.