Lesing som grunnleggjande ferdigheit- Kva skal til for å lukkast, og kva er utfordringane?

Abstract

Teamet for denne oppgåva er lesing som grunnleggjande ferdigheit. Vi har nytta oss av kvalitativ metode og intervjua fire lærarar som underviser i ulike fag på mellomtrinnet. Med dette i tankane formulerte vi problemstillinga:

Lesing som grunnleggjande ferdigheit på mellomtrinnet: -Kva skal til for å lukkast med lesing som grunnleggjande ferdigheit? -Kva er utfordringane innan lesing som grunnleggjande ferdigheit? I teori delen seier vi litt om bakgrunnen for dei grunnleggjande ferdigheitene, og kvifor desse skulle førast inn som ein del av Læreplanen for Kunnskapsløftet (LK06). Vidare peikar vi på kva lesing som grunnleggjande ferdigheit er, og vi ser på nokre sentrale omgrep som vi meiner er relevante. Til slutt i teoridelen viser vi til rammeverket for dei grunnleggjande ferdigheitene.

Vi hadde, som nemnd tidlegare, ein kvalitativ metode der vi gjennomførde fire intervju. Desse intervjua var gjort på to ulike skular, i to ulike kommunar i fylket. Dette førte til at vi kunne sjå ein del skilnadar mellom dei ulike skulane, og korleis det vart jobba med lesing som grunnleggjande ferdigheit. I kapitel 4 greidde vi ut om resultata og vi drøftar dei ulike funna . Her set vi søkelys på skilnaden mellom dei ulike skulane, som for oss var eit interessant funn. Vi ser og på kva lærarane meiner må til for å lukkast med lesing som grunnleggjande ferdigheit, korleis leseferdigheitene til elevane vert vurdert i skulekvardagen og korleis lærarane jobbar med lesemotivasjon og lesestrategiar. Til slutt ser vi på kva lærarane peikar på når det kjem til utfordringar med lesing som grunnleggjande ferdigheit.