Motivasjon og fysisk aktivitet i matematikk: Ei kvantitativ studie om samanheng mellom motivasjon og fysisk aktivitet i matematikkundervisning hjå elevar på mellomtrinnet

Abstract

Oppgåva tek føre seg samanhengen mellom motivasjon hjå elevane og bruk av fysisk aktivitet i matematikkundervisning. Det er gjennomført ei kvantitativ undersøking blant 99 elevar på mellomtrinnet på skular på Vestlandet, hovudsakleg i Sogn og Fjordane. Med utgangspunkt i Ryan og Deci (2000) sin teori om sjølvbestemming vert det sett på elevane sin grad av medbestemming i klasserommet, tilhøyrsle og inkludering i skulekvardagen og den opplevde kompetansen til elevane, som saman ligg til grunn for motivasjonen. Resultata viser ingen signifikant samanheng mellom motivasjon og fysisk aktivitet. Dei viser derimot ein signifikant forskjell mellom jenter og gutar sin opplevde kompetanse, i fordel jentene, som er ulikt frå andre undersøkingar gjort i Noreg.