Fører kompetanseutviklingstiltak i klasseleiing til endring av læraren sin praksis?

Abstract

denne undersøkinga har eg sett på kva nytte lærarar på barnesteget kan ha av vidareutdanning eller etterutdanning i klasseleiing, og med hypotesen; Utdanning i klasseleiing fører til endring i praksis. Målet med undersøkinga var å finne ut om det var skilnad mellom dei to gruppene lærarar, dei med vidareutdanning og dei med etterutdanning, og i kva grad dei endra sin klasseleiingspraksis etter kompetansehevinga. I oppgåva presenterer eg eit kunnskapsgrunnlag, med teori og forsking, kring temaet og omgrepet klasseleiing. Eg valde å triangulere metoden og undersøkinga byggjer difor på ei kvalitativ og ei kvantitativ datainnsamling. Den kvalitative delen består av intervju og hensikta var å utvikle forståing og gå i djupna på utvalet sine erfaringar med etter- eller vidareutdanning i klasseleiing. Analyse av intervjua ga interessant informasjon, samstundes som den bidrog til å lage gode spørsmål til spørjeundersøkinga i den kvantitative delen. Populasjonen til undersøkinga er på til saman 138 personar. Utvalet i den kvalitative delen av undersøkinga er på 3 personar medan utvalet i den kvantitative er på 78 respondentar der 73 valde å svare på spørjeskjemaet. Resultata syner at lærarane har endra sin praksis, som eit resultat av kompetanseheving i klasseleiing. Utvalet er representativt for begge gruppene av lærarar. Den kvalitative delen av undersøkinga har informantar frå vidareutdanning, medan utvalet i den kvantitative delen utgjer begge gruppene lærarar. Eg finn signifikante skilnader i praksis, når det gjeld om lærarane har teke utdanninga, som etterutdanning eller vidareutdanning. Det ser ut til at ei vidareutdanning legg føringar som kan virke meir forpliktande på lærarane. Ei årsak til høgare forplikting kan vere at lærarar som tek vidareutdanning gjerne nyttar meir tid, ettersom mellomliggande arbeid til slutt skal resultere i ein eksamen. Dette utgjer hovudfunnet i undersøkinga, men det er og funn som tyder på at lærarane treng meir tid til å gjere om den nyerverva kunnskapen til implementert praksis.