Er det slik at barnehagens arbeid med helse, miljø og sikkerheit avgrensar barns moglegheit for deltaking og fysisk utfolding i risikoleik?

Abstract

Denne bacheloroppgåva innan førskulelærarstudiet gir 15 studiepoeng. Her har me valt å fokusere på arbeid med HMS knytt til barns risikoleik i barnehagen. Problemstillinga vår er som følger: Er det slik at barnehagens arbeid med helse, miljø og sikkerheit avgrensar barns moglegheit for deltaking og fysisk utfolding i risikoleik? Her vil me også sjå kva faktor som avgrensar barns moglegheit for deltaking og fysisk utfolding i risikoleik. Me har i denne oppgåva valt å bruke kvalitativ metode for å finne svar på vår problemstilling. Metoden me har brukt er intervju, der me har valt å intervjue fire pedagogiske leiarar i same barnehage og barnehagens daglege leiar. Teoridelen vår er knytt opp mot HMS-arbeid i barnehagen, samt risikoleikens nytteverdi for barns utvikling. Teorien legg også fokus på blant anna forskriftenes krav til barnehagens praktisering av HMS i det pedagogiske arbeidet. Gjennom resultata og infiltreringa av det faglige teoristoffet vårt, har me fått svar på vår problemstilling som gir grunnlag for ein faglig konklusjon. Konklusjonen vår er at HMS-arbeidet i barnehagen spelar ei sentral rolle i avgrensing av barnas moglegheit for deltaking og fysisk utfolding i risikoleik. Me ser også at personalets haldningar, verdiar, erfaringar og bakgrunn spelar ein viktig del i kvar deira personlige grensesetjing for barna går.