| dc.description.abstract | Eg har vert i Zambia gjennom fordjupningsemnet Global Knowledge, og gjennom dette emnet har eg vert i praksis i ein SOS barnehage i fire veker. Tidleg i praksisperioden min observerte eg læringsstilar som eg som norsk student ikkje klarte å forstå. Dette var utgangspunktet for valet mitt av tema, som er læringsteoriar. Etter eg gjorde meg dette valet fekk eg ei betre forståing for kvifor førskulelærarane underviste som dei gjorde, og kvifor dei bruker desse læringsteoriane. Denne forståinga fekk eg gjennom samtalar med personalet og observasjonar som eg gjorde meg i SOS barnehagen. Eg hadde kvalitative intervju med to førskulelærarar og styraren som jobba i barnehagen, iløpet av praksistida mi.
Problemstillinga mi er: Kva læringsteoriar brukar 2 førskulelærarar i ein SOS- barnehage i Zambia, og korleis argumenterar styraren for bruken av desse læringsteoriane?
I SOS barnehagen eg hadde praksis i var det to vaksne på kvar avdeling eller «klasse» som dei kallar det i Zambia, der ein av dei er førskulelærar. Det var store klassar til tross for få vaksne, og klassane hadde gjerne mellom tjue til tretti barn. Desse var delt inn etter alder der «baby-class» er treåringar, «middle-class» er fireåringar og «reception-class» er femåringar.
Gjennom arbeidet med oppgåva har eg funne ut at det førskulelærarane seier dei gjer somme tider er det eg har sett at dei gjer, medan dei somme tider seier at dei gjer ting som eg ikkje har sett med min norske bakgrunn. Eg har forstått at dette kan komme av at ein har forskjellege tanker om ulike situasjonar. Slik har eg lært at ein kan sjå på ulike situasjonar med ulike synsvinklar enn det ein er vande med. | nb_NO |
