| dc.description.abstract | Denne masteroppgåva omhandlar vurderingspraksis som finn stad i barneskulen i dag. Arbeidet er ein del av ei ståstadsundersøking i eit forskingsprosjekt på HSH som vert kalla ”Refleksjonsbaserte lærarmapper (RLM) – som reiskap for utvikling av vurderingskompetanse”. Siktemålet for dette forskingsprosjekt er blant anna å framskaffa ny forskingsbasert kunnskap som kan nyttast til å styrka lærarane sin vurderingskompetanse slik at dei kan møta krava om fagleg relevant elevvurdering.
Undersøkinga mi er gjennomført på to barneskular i perioden desember 2007 til april 2008. Målet var å få eit innblikk i korleis praksisen kring formativ vurdering er i dag. I tillegg er også søkjelyset retta mot korleis elevane vurderer sitt eige arbeid, og i kva grad dei får kjennskap til kriteria og læringsmåla for oppgåvene dei held på med. Hovudproblemstillinga er: Korleis, og i kva grad, støttar lærarane si formative vurdering opp under elevane si faglege læring? I tillegg er det sett opp nokre underliggjande spørsmål: 1. Korleis er det lagt til rette for eigenvurdering og refleksjon? 2. I kva grad får elevane kjennskap til kriteria for læringsmåla? 3. Kva formative vurderingsstrategiar vert nytta i høve til digitale mapper? | en |
