| dc.description.abstract | Denne rapporten skildrar resultata frå ei landsomfattande spørjeundersøking
blant barnehagestyrarar om utbreiing, bruk og haldningar knytt til digitale verktøy og PC-spel i norske barnehagar. Undersøkinga er gjort av forskargruppa DIGOB ved Høgskolen Stord/Haugesund,
finansiert gjennom Norges Forskningsråds Program for praksisretta
FoU for barnehage, grunnopplæring.
Rapporten er delt inn i tre temaområder; 1) Digitale verktøy, 2) PCspel
og 3) Læring og språk ved bruk av PC-spel.
Sjølv om undersøkinga også viser sunn skepsis til teknologien er det
alt i alt mykje som tyder på at styrarane ønskjer PC’en og dei digitale
spela velkomen inn i barnehagen sine aktivitetar. Hovudkonklusjonen
i rapporten er at digitale verktøy allereie er utbreitt i norske barnehagar.
Dei fleste barnehagane har PC, digitalt kamera, fargeskrivar og
CD-spelar, og svært mange brukar PC i ei eller anna form som ein del
av tilbodet til borna. Undersøkinga synes elles å ta livet av myta om at
barns leik føre datamaskinen er ein taus og einsam leik. Tvert om ser
det ut for at leik kring datamaskinen er ein sosial aktivitet som stimulerer
til samtale mellom dei som deltek i aktiviteten. Styrarane som er
spurde i undersøkinga viser jamt over ei positiv haldning til bruk av
digitale verktøy i det pedagogiske arbeidet og gjev uttrykk for at PCspeling
er ein aktivitet som kan gje meistingsopplevingar og fremje
læring.
I rapporten vert det oppfordra til djupare studiar av førskulelærarane
sine haldningar og barna si oppleving av bruka av digitale verktøy
i barnehagen. | en_US |
