| dc.description.abstract | Kroppsøvingsdelen av "Skolefagundersøkelsen 2009" gir eit bilete av bruken av IKT to år etter innføringa av digital kompetanse som grunnleggande dugleik i alle fag. Resultata bygger på ein landsdekkande survey som 77 kroppsøvingslærarar på ungdomstrinnet svara på. Undersøkinga gir eit klart bilete av ein praksis som i svært liten grad har endra seg med innføringa av IKT. Omfanget av IKT bruk er svært liten, langt mindre enn i alle andre fag. Bruken av generelle verkty som Internett, word og musikk er liten. Bruken av meir fagspesifikk teknologi som pulsklokker, video til innlæring eller feedback, er enno mindre. Eigenarten til kroppsøving er læring i rørsle. Det kjem tydeleg fram at lærarane ikkje finn IKT relevant for undervisninga og at IKT-integreringa bryt med dominerande praksisteori som er sterkt knytt til læring i rørsle. Gitt den store avstanden mellom læreplan og praksis, fagets eigenart og IKT sin manglande evne til å støtta opp under gode læringssituasjonar, må ein spørje om det ikkje hadde vore betre om IKT-kompetansen vart utvikla i fag og på fagområde der bruk av IKT både styrkar fagleg læring og utviklar IKT-kompetanse. | en |
