«Plask, seier steinen». Ein analyse av initiativ og respons i ein dialog med ein smårolling ved ein sølepytt

Abstract

Kapittelet er ei undersøking av korleis ein kan karakterisera ein dialog mellom ein barnehagelærarstudent og eit barn på atten månadar, der barnet har tre verbale ytringar. Dialogen er rik på fysisk interaksjon, og ein sølepytt blir utforska. Kapittelet drøftar korleis samspelet mellom verbal interaksjon, fysisk interaksjon og mellom dialogdeltakarane og naturen fungerer, og konkluderer med at dialogen best kan forståast som innkapsla i ein diatopos, eit uttrykk for den omsluttande rolla naturen spelar for dialogen.