Utforsking i algebra ved bruk av fysisk aktiv læring på ungdomstrinnet

Abstract

A fremje varierte og praktiske læringsprosessar i skulen blir trekt fram i læreplanen og andre styringsdokument, og har fatt ei større tyding enn for. Barn og ungdom sitt i ro meir enn 9 timar i løpet av ein dag. Skulen er ein av få arenaer som kan ta eit ansvar for a auke aktivitetsnivået til barn og unge kvar dag. Fysisk aktiv læring kan auke aktivitetsnivået til elevane utan at det går ut over undervisingstida eller andre fag. Tidlegare forsking viser at praktiske, fysisk aktive, sosiale og emosjonelle formar for læring kan bli støtta av fysisk aktiv læring i undervisinga. Fleire elevar har utfordringar med å forstå variabelperspektivet i algebra. Utforskartrongen og undring til oppgavene kan ta elevane inn i eit undersøkelseslandskap. Hensikta med denne studien er å få meir forsking på utforsking av variabelperspektivet i algebra ved bruk av fysisk aktiv læring innanfor matematikkfaget, fra elevar på ungdomstrinnet sitt perspektiv. Dette er for å få innsikt i korleis fysisk aktiv læring kan bidra til utforsking i algebra på ungdomstrinnet. Studien har primært ein kvalitativ metode, som over to veker tok fore seg to klassar på åttande trinn fra to ulike skular. Det blei gjennomført observasjon, intervju, pre-, og posttestar og lydopptak for a fa innsikt i elevane sitt perspektiv. Studien sitt rammeverk har teke utgangspunkt i elementa fra IC-modellen til Alro og Skovsmose (2006) og forventingar fra Hana (2014), som kan indikere om handlingane som går fore seg er utforskande og at det er nokon som utforer ei utforskande handling. Denne studien viser at fysisk aktiv læring kan bidra til utforsking i algebra ved at det skaper samtalar som har element som er utforskande. Elementa i rammeverket er brukt i begge øktene, og kan indikere at det går fore seg ei dialogisk handling som er utforskande og at det er nokon som utfører ei utforskande handling. Studien viser også at utforsking skjer i større grad når fysisk aktiv læring er integrert i matematikkfaget i undervising av variabelperspektivet i algebra på ungdomstrinnet. Det skapar eit godt læringsmiljø som elevane har ei positiv haldning til