Ei vurdering av planane for utviding av byggefelt og nydyrking på Leivdalsmona, Nordfjordeid – ein unik sandur frå slutten av istida

Abstract

Stad kommune arbeider med ny reguleringsplan for utviding av byggjefelt og areal for nydyrking på delar av Leivdalsmona på Eid. Leivdalsmona er unik, og det som står att av urørt overflate må takast vare på. Leivdalsmona er ei israndavsetjing, og ein del av Raet, som kan fylgjast rundt heile Skandinavia. I tillegg er Leivdalsmona ein av svært fåe sandurar med intakte overflateformer på Vestlandet. Etter vår vurdering er det viktig for kommunen å få ein plan for endeleg vern av restane av sanduren, elles blir han borte bit for bit. I rapporten peikar me på at kommunen bør ta innover seg dette og sjå etter andre moglege areal for byggjefelt og eventuell erstatning for matjord.