Alltid ein framand. Innvandra sjukepleiarar sine erfaringar med å jobbe på sjukeheim i Noreg
Abstract
Bakgrunn: Noreg har mange innvandra helsearbeidarar med innvandrarbakgrunn og som har innvandra sjølve, spesielt sjukepleiarar. Det finst mange internasjonale studiar på korleis sjukepleiarar som kjem frå andre land for å jobbe opplever det, men studiar frå norske forhold er det færre av. Tidlegare forsking peikar på kor viktig der er å sjå på korleis desse sjukepleiarane opplever det slik, at ein kan hjelpe dei med overgangen og gjere det best mogeleg for alle partar. Då ein kjem til å framleis vere avhengig av arbeidsinnvandring.
Hensikt og problemstilling: Hensikta med studien er å auke forståinga for korleis det er for innvandra sjukepleiarar å jobbe på sjukeheim i Noreg.
Problemstillinga er: Korleis erfarer innvandra sjukepleiarar å jobbe på sjukeheim i Noreg?
Metode: For å svara på denne problemstillinga har eg nytta kvalitativ metode. Eg har intervjua innvandra sjukepleiarar, som har kome til Noreg for å jobbe, og som alle jobbar på sjukeheimar.
Resultat: Informantane erfarer eit anna hierarki på godt og vondt. Dei erfarer å bli sett på som ein framand, og utfordringar med nynorsk og dialekt.
Konklusjon: Oppgåva belyser erfaringane innvandra sjukepleiarar har med å jobbe på sjukeheim i Noreg. Og er med på å auke forståinga for korleis det er for innvandra sjukepleiarar å jobbe på sjukeheim i Noreg.
Description
MS1-307 Mastergrad i Samhandling innan helse- og sosialtenester