La meg vere med! Om iverksetjing av inkluderande miljø i barnehagen

Abstract

Studien ser nærare på korleis barnehagen har handtert iverksetjinga av prosjektet inkluderande barnehage og skulemiljø. Prosjektet er eit kompetansehevingsprogram i regi av utdanningsdirektoratet der høgskulen Innlandet har laga eit fagleg program for sektoren. Gjennom fokusgruppeintervju med styrarar og pedagogiske leiarar har eg funne at prosjektet har skapt endring. Ei sterk kommuneleiing har støtta iverksetjinga og har styrka barnehagane sine føresetnadar for læring og utvikling. Funna syner at leiing er ein viktig faktor i alle ledd og både styrarar og pedagogiske leiarar har hatt ei sentral rolle i gjennomføringa av prosjektet. Arbeidet har inkludert alle tilsette og har fremja kultur for læring og utvikling både individuelt og kollektivt. Utfordringar knytt til iverksetjinga finn vi mellom anna i barnehagen sin kompleksitet. Ulike faglege bakgrunnar, utskifting av tilsette og endringsvilje. Auka arbeidsmengde saman med lite tid å gjere det på har og vore ei utfordring i iverksetjinga.