Vurdering av klinisk sluttkompetanse

Abstract

Bakgrunn Rammeplan for sykepleieutdanning (2008) seier at nyutdanna sjukepleiarar skal vere sjølvstendige, reflekterte og ansvarsbevisste, endrings- og pasientorienterte yrkesutøvarar med handlingskompetanse og -beredskap i sjukepleieutøvinga. Studiar viser at nyutdanna sjukepleiarar har begrensa klinisk vurderingskompetanse i akutte og kompliserte situasjonar . For å kvalitetssikre at studentar sin sluttkompetanse er i tråd med rammeplanen, er piloten «Vurdering av klinisk sluttkompetanse» gjennomført i 6. semester med sjukepleiestudentar ved HVL, Stord/ Haugesund. Vurderingsforma bygger på Objektive Structured Clinical Examination (OSCE) der vurdering av studenten skal vera objektiv, strukturert og ha samanheng mellom mål og kompetansekrav.

Hensikta: Hensikta med pilotundersøkinga var å få kunnskap om vurderingsforma når det gjeld fagleg innhald, relevans og gjennomføring. Opphavleg målsetting var å gjennomføre ordninga frå 2018. Vurderingsordninga må sjåast i samanheng med ny studiemodell for bachelor sjukepleie i HVL.

Design og metode: Utviklingsarbeidet er designa med utgangspunkt i aksjonsforsking. Studentar i avgangskulla ved nærregion Stord/ Haugesund fekk informasjon om vurderingsordninga og oppgåveeksempel. I undersøkinga deltok 15 studentar og 9 lærarar. Det vart gjennomført fokusgruppeintervju med både studentar og lærarar etter gjennomføring av piloten.

Foreløpige resultat: Oppgåvesløyfene, som bygde på pasientforløp i ulike kontekstar, vart oppfatta av studentane som fagleg relevante, praksisnære og gav dei meistringsoppleving. Studentane gav positiv tilbakemelding på organisering og struktur. Spørsmålsstillingar i nokre oppgåver var ikkje tydleg formulert, og dette utfordra objektiviteten. Ressursbruk ved vurderingsordninga ser lærarar på som ei utfordring.

Diskusjon: I kva grad er vurderingsforma objektiv, fagleg relevant og nyttig i eit læringsperspektiv for studentar og utdaningsinstitusjon?