Når mat er ein trigger

Abstract

Samandrag Tittel: ”Når mat er ein trigger”. Bakgrunn for var val av tema: Irritabel tarmsyndrom (IBS) er ein tilstand som rammar mange, det finnast ingen god medisinsk kur, og mange opplever symptom knytt til matinntak. Helsedirektoratet anbefaler lavFODMAP-dietten for symptomlindring, ein diett som for meg verkar til å verte stadig meir aktuell hos pasientane. Eg opplever at mange pasientar ønskjer råd og svar på spørsmål kring dietten, men eg kjenner meg usikker på både framgangsmåte og effekt. Likevel tenker eg at om ein diett kan hjelpe mange personar med ei rekke plager, er det vel viktig at vi som helsepersonell kjenner til effekten og kan hjelpe desse pasientane? Problemstilling: Korleis kan lavFODMAP som diett bidra til symptomlindring hos pasientar med irritabel-tarmsyndrom, og kan dette påverke livskvaliteten? Metode: Oppgåva er eit litteraturstudie. Forsking er funne ved hjelp av systematisk søk i Academic Search Elite, inkludert Cinahl og Medline, og i PubMed. Anna litteratur er innhenta av tidlegare pensum, tips frå rettleiar, offentlege nettsider -og retningslinjer, og litteratur eg har hatt kjennskap til frå før av. Funn, konklusjon: Mat er ikkje årsaka til tilstanden, men kan vere ein symptomtrigger. I tillegg opplever mange med IBS redusert livskvalitet. LavFODMAP-dietten ser ut til å både vere ein trygg og effektiv symptomlindrar ved korttidsbruk, og bør såleis introduserast for pasientar som er prega av plagsame symptom og redusert livskvalitet ved IBS. Langtidseffekten og sideeffektar ved dietten må undersøkast vidare. Nøkkelord: livskvalitet, symptomlindring, lavFODMAP, IBS, sjukepleie.