Kunnskapsutvikling blant personalet i barnehagen, ein leiars ansvar?

Abstract

Bakgrunnen for studien er at eg gjennom min yrkespraksis som pedagogisk leiar har opplevd det utfordrande å legge til rette for læring og kunnskapsutvikling i barnehagen. Målet med studien har vore å undersøke korleis styrar og pedagogisk leiar legg til rette for læring og kunnskapsutvikling, samt danne ei djupare forståing for korleis assistentane/fagarbeidarane opplever og tek til seg læringstiltaka. Studien belyser også kva assistentane/fagarbeidarane gjer for å tileigne seg kunnskap på eiga hand. Studien er basert på kvalitativ metode, intervjua er semistrukturerte. Deltakarane i denne studien er styrarar, pedagogiske leiarar og assistentar/fagarbeidarar med minimum to års arbeidserfaring i barnehage. Sentralt i arbeidet for å lukkast, er involvering, refleksjon og formidling av fagkunnskap, samt å nyttegjere seg av den tause kunnskapen som assistentane/ fagarbeidarane innehar. Studien viser og at leiinga har bygd ein struktur som opnar opp for det naudsynte kunnskapsrommet, gjennom både formelle og uformelle møtearenaer.