Rapport om tre kvalitetsforbetringsprosjekt - sjukepleiarstudentar i praksis på medisinsk sengepost ved Førde sentralsjukehus

Abstract

Tema for rapporten er «Kvalitetsforbetringsarbeid i spesialisthelsetenesta». Rapporten omfattar tre forbetringsprosjekt i spesialisthelsetenesta. Føremålet med rapporten er å presentere bakgrunn for prosjekta; gjennomføring, erfaringar og refleksjonar, for til slutt å drøfte om prosjekta har stimulert til å betre praksisopplæringa, betre kvaliteten i praksis og utvikle sterkare kopling mellom utdanning og fagutviklingsprosjekt i praksisfeltet. Både praksisfeltet og Høgskulen sine erfaringar er at studentar og høgskulelektorar kan vere ein aktiv part og læringsressurs i endringsarbeid i spesialisthelsetenesta. Prosjekta har skapt ei endring i Høgskulen si praksisrettleiing gjennom kontinuitet i lærarressursane i praksisfeltet, og utvikling av nye studentprosjekt for å synleggjere teori i praksisfeltet for studentane. Prosjekta fremma ei auka forståing for kvalitetsforbetringsarbeid og tverrprofesjonelt arbeid hos studentar og personale i avdelinga. Samarbeidet har gitt eit godt grunnlag for innføring av «Det nasjonale pasienttryggleiksprogrammet» i avdelingane.