Mellomleiaren som kunnskapsleiar i vidaregåande skule: Korleis legg avdelingsleiar på yrkesfaglege utdanningsprogram til rette for pedagogisk utviklingsarbeid på eiga avdeling?: På kva måte kan dette bidra til å utvikle ein lærande organisasjon?

Abstract

Norsk skule er framleis prega av ei svak pedagogisk skuleleiing og -oppfølgingskultur, og utfordringar med fråfall som er spesielt stort på yrkesfaglege utdanningsprogram. Sentrale skulepolitiske styresmakter gir klare signal på behovet for ei sterkare pedagogisk skuleleiing og utvikling av skulen som ein lærande organisasjon. Forsking viser at mellomleiar sit i ein unik posisjon for å sette endringsstrategiar ut i livet. Denne studien tek sikt på å finne ut korleis avdelingsleiarane på yrkesfaglege utdanningsprogram legg til rette for pedagogisk utviklingsarbeid på sin avdeling. I tillegg ser den på kva måte dette kan bidra til å utvikle ein lærande organisasjon. Det blir nytta ein kvalitativ metode med fem intervjupersonar. Funna tyder på at det i hovudsak handlar om administrativ organisering av formelle møteplassar og uformelle samhandlingsarena. Det ser ut til at avdelingsleiaren i størst grad lukkast med tilrettelegging for samhandling og refleksjon om pedagogiske tema og undervisningsopplegg på dei uformelle samhandlingsarena.