dc.description.abstract | Prosjektet «TOPP – idrettsutvikling for ungdom 16-19 år» starta sommaren 2008 og vert avrunda fem år seinare på sommaren 2013. Prosjektet er eigd av Sogn og Fjordane idrettskrins. Sparebanken Sogn og Fjordane har finansiert prosjektet med ein totalsum på rundt 6,3 millionar kroner. Idrettssenteret A/S i Sogndal har hatt prosjektleiing og vore praktisk drivar av prosjektet. Målet til prosjektet har vore å styrka aktivitets-, kunnskaps- og kompetanseutviklinga i idretten i Sogn og Fjordane gjennom lokal oppfølging. Utøvarane har vore i fokus, men prosjektet har også involvert trenarar og støtteapparat lokalt i utvalte klubbmiljø. HiSF, Institutt for idrett, har stått for ei kontinuerleg undervegsevaluering av Topprosjektet frå 2009-2013. Dette skrivet skildrar sluttevalueringa som vart utført våren 2013 og inneheld fem delar: 1) konteksten for evalueringa, 2) arbeidet i evalueringsgruppa, 3) evalueringa av TOPP, 4) dimensjonar og spenningar i diskusjonar om idrettsutvikling for ungdom og 5) avsluttande tilrådingar. | nb_NO |