| dc.description.abstract | Hensikta med denne oppgåva er å sjå kva tyding bruk av friluftsliv har for rusmisbrukarar. Me ynskjer å sjå på ulike faktorar som spelar inn når ein skal forklara kva det er med friluftsliv som kan gjera det eigna i rehabilitering for menneskjer som er eller har vore rusavhengige. På bakgrunn av dette ville me finne ut kva positive effektar friluftsliv har i behandling av rusmisbruk.
I teoridelen presenterar me litteratur om rusmiddel og rusmiddelavhengigheit, behandlingsmetodar og friluftsliv, der me legg vekt på naturliv og miljøforandring, friluftsliv og naturopplevingar, og friluftsaktivitet og fysisk aktivitet, samt fysiologiske verknader av fysisk aktivitet.
Oppgåva er basert på kvalitativ undersøking, der me har brukt opent djupintervju. Datamaterialet er samla inn frå tre intervjuobjekt som har delt sine erfaringar omkring temaet.
Ut i frå våre intervju har me kome fram til at friluftsliv kan ha fleire gode effektar både under og etter behandling av rusavhengigheit. Miljøforandringar, naturopplevingar, eller friluftslivsaktivitetar kan føre tankane bort frå rusen. Kva aspekt ved friluftsliv som føre til desse positive endringane er forskjellig frå person til person. Friluftsliv rommar eit stort spekter av aktivitetar, opplevingar, og ulike naturtypar, og kan derfor vera ein eigna metode i behandling av rusmisbruk om ein tilpassar friluftslivet etter kvar enkelt brukar. | nb_NO |
