Det er opp til kvar og ein : om rettleiing av turnuslegar og sjukehuset som lærande organisasjon

Abstract

Styresmaktene har lagt føringar for at norske sjukehus skal utvikle seg til å verte lærande organisasjonar. Bakgrunnen for denne studien var eit ynskje om å undersøke om sjukehus i eit fylke viser seg som lærande organisasjon sett i lys av turnustenesta for legar. Det var nytta kvalitativ metode, og datamaterialet var utskrift av semistrukturerte intervju av ni rettleiarar for turnuslegar. Fokus var på kva rettleiarane opplever, tenkjer og gjer, korleis dei fyller rettleiarrolla og dermed tek i vare sjukehuset sitt ansvar for turnuslegar si læring. Materiale vart systematisk gjennomgått, analysert og oppsummert i ni hovudfunn. Noko av det som kom fram var korleis rettleiarane opplever rammevilkåra for rettleiingsarbeidet, praksisfellesskap og aktivitetar som fremjar læring hjå den einskilde turnuslege. Funna viste at metodane for rettleiing vart utforma av kvar einskild rettleiar i ei manglande kopling mellom organisasjon, leiing, profesjon og styringsdokument. Læringsfokus hadde nær tilknyting til tradisjonar i legeprofesjonen og var lite retta mot at organisasjonen skal lære. Samla sett kan sjukehuset ikkje forståast som ein lærande organisasjon sett i lyset av turnusteneste for legar.