Ein analyse av enkeltpersonføretaket Frisøren Oddrun Høyheim

Abstract

I vår bacheloroppgåve har me jobba med enkeltpersonføretaket Frisøren Oddrun Høyheim. Me har tre hovuddelar i oppgåva. Den fyrste delen inneheld ein rekneskapsanalyse, der me har innhenta informasjon og talmateriale om Frisøren hjå Luster Rekneskapslag. Deretter har me rekna ut ulike nøkkeltal og kommentert desse. I den andre delen har me sett på to ulike selskapsformer. Det er enkeltpersonføretak, som Frisøren er no, og aksjeselskap, som Frisøren vurderer å skifte til. I denne delen har me og sett på skatteverknaden i dei to ulike selskapsformene. I tredje og siste hovuddel har me føreteke ein SWOT-analyse. Her har me sett på dei sterke og svake sidene internt i Frisøren, i tillegg til moglegheitene og truslane eksternt. I tillegg til dei tre hovuddelane har me ei innleiing med bakgrunn for val av oppgåva, problemstillingane våre og historikken i Frisøren. Me har og eit metodekapittel, der me gjer greie for korleis me har innhenta informasjonen til denne oppgåva. Som avslutning har me ei oppsummering og ein konklusjon.