«Å skapa nye føresetnader for vurdering» – lærarar sine erfaringar med bruk av videotilbakemeldingar i vidaregåande skule

Abstract

Føremålet med studien er å få fram kunnskap om lærarars bruk av videotilbakemeldingar i vidaregåande skule og kva fordelar og eventuelle utfordringar dei erfarer. Empiri er henta inn gjennom individuelle intervju med åtte lærarar. Resultata viser at videotilbakemeldingar blir nytta for å fremja læring gjennom undervegsvurdering i faga, og elevane nyttar tilbakemeldingane aktivt. Video er eit fleksibelt format som skapar handlingsrom for individuelt tilpassa tilbakemeldingar og bidreg til relasjonsbygging mellom elevar og lærar, men krev praktisk tilrettelegging av arbeidsgjevar.