Bollebaking som overgangsrite, protest og idyll i Snøfall

Abstract

Artikkelen er ei utforsking av bollemotivet i fantasyserien Snøfall, der innføringa i bakehandverket blir tolka som ein overgangsrite for hovudpersonen, Selma. Bollemotivet har også andre funksjonar i forteljinga, då bollar blir brukt som politisk verktøy av sentrale karakterar for å uttrykkje både forbod og protest. Dei to tolkingane, bollebaking som overgangsrite og politisk verktøy, blir vidare sett i samanheng med mytiske førestillingar om syklisk og lineær tid og kopla til ei lesing av konflikten i Snøfall som ein kamp mellom feminine og maskuline krefter. Eg foreslår at bollar som barnelitterært motiv kan seiast å bere i seg ei tilknyting til ei bestemt tid og ein bestemt stad, og bollemotivet blir avslutningsvis lese i lys av Bakhtin sin idyllkronotop.