Barneperspektivet og barns medverknad i barnevernet og NAV: Ein kvalitativ intervjustudie

Abstract

Denne oppgåva handlar om kva forhold som påverkar barneperspektivet i NAV og barneverntenesta sitt arbeid med familiar med låg inntekt. Studien er ein kvalitativ studie, og byggar på to fokusgruppeintervju med sakshandsamarar frå Nav og barneverntenesta, og to individuelle intervju med leiarane for dei to tenestene. Hensikten med studien er å få meir kunnskap om korleis barneperspektivet blir utforska i disse to tenestene, og kva faktorar som eventuelt hemmar og fremmer at barn for medverke i saker som omhandlar levekårsproblematikk. Data har blitt analysert ved hjelp av tematisk analyse. Studien min syner at NAV innhentar barneperspektivet gjennom foreldra, noko som kan føre til at barnas behov for hjelp ikkje i stor nok grad blir fanga opp. Vidare syner studien min at barnevernet sjeldan ser familiar sine problem i relasjon til levekår, noko som kan føre til at barnevernet ikkje ser heile bilete av kva som kan skape vanskar i ein familie, noko som også kan hemme barneperspektivet. Til slutt syner studien min at begge tenestene er styrt av ulike institusjonelle logikkar som kan påverke kva syn dei har på barn, og ansvar knytt til levekårsproblematikk. Talet barn som veks opp i fattigdom er aukande, og studien min syner at hjelpa desse barna ikkje er godt nok konkretisert eller ansvarsplassert. Dette kan føre til at hjelpa desse barna får i altfor stor grad blir tilfeldig, lite brukarstyrt og prega av lite samhandling.