Sjukepleie til smertepåverka pasientar med alvorleg demens

Abstract

Ein av dei største smerteindikatorane hjå pasientar med alvorleg demens er åtferdsendringar. Gjennom drøfting av forskning, litteratur og eigne erfaringar har eg komme fram til at smertekartleggjing og smertelindring i tillegg til sjukepleiarens evne til å sjå og møte pasientens behov vil vere det mest sentrale for utøvinga av adekvat sjukepleie til desse pasientane. I funn frå både forskning, litteratur og eigne erfaringar viser det seg at sjukepleiarar ser på smertebehandling og smertelindring som utfordrande til denne pasientgruppa. Mangel på kunnskap og kompetanse innan området viser seg å vere til hinder for utøving av adekvat sjukepleie til eldre pasientar med demens. Betre opplæring, kunnskap og kompetanse og innsikt trengs i praksis, då dette er noko det er mangel på per i dag.