Ei undersøking av sosiale effektar av jordskifte – ved ny utforming av eigedom og alltidvarande bruksrett

Abstract

Masteroppgåva sitt formål var å setje lys på sosiale effektar som oppstår i ei jordskiftesak, samt korleis dei påverkar partane. Undersøkingsfeltet vart avgrensa til saker etter jordskiftelova 1979 § 2 fyrste ledd bokstav b og jordskiftelova 2013 § 3-4. Det vart òg kravd at jordskiftesakene måtte vere innanfor førehandsbestemte tidsintervall: - År 1997 – 1999 - År 2002 – 2004 - År 2007 – 2009 - År 2012 – 2014 - År 2017 – 2019 Problemstillinga i oppgåva var: «Kva sosiale effektar medførte jordskifte etter jordskiftelova 1979 § 2 fyrste ledd bokstav b og jordskiftelova 2013 § 3-4?». Det vart utarbeida fire underproblemstillingar for å belyse og svara på problemstillinga. Ved bruk av telefonintervju, vart 25 partar frå 11 ulike jordskifterettar intervjua. For å belyse dei sosiale effektane av jordskifte tilstrekkeleg, var det naturleg å spørje om korleis jordskiftet påverka partane sjølv, relasjonen deira og konfliktnivået i saka. Dei fire underproblemstillingane var: 1. Kva sosiale effektar medførte saka for partane sin relasjon, og i kva grad slo effektane ut negativt eller positivt? 2. Kva sosiale effektar medførte saka for partane sjølv, og i kva grad slo effektane ut negativt eller positivt? 3. Kva skyldte dei sosiale effektane? 4. Korleis utviklar konfliktnivået seg? For å setje lys på problemstillinga, vart kvalitativ metode med intervjuguide nytta. Bakgrunn for val av kvalitativ metode var ønskje om å gå i djupna ved hjelp av intervju. Ved hjelp av ei teoretisk referanseramme, var hovudfunna transformasjon i relasjon, samarbeid og konflikt som følgje av jordskiftesaka.