Oppleving av trøyst som lindrar eksistensiell liding, hjå kvinner med residiverande eggstokkreft

Abstract

Kvinner med residiverande eggstokkreft lev eit liv med mykje eksistensiell liding. Det finnes lite konkret kunnskap om kva sjukepleiaren som møter kvinnene kan gjere for å lindre den eksistensielle lidinga. Hensikten med denne studien er å få auka kjennskap om kva som kan trøyste den eksistensielle lidinga kvinner med residiverande eggstokkreft får. Metoden som er nytta er ein kvalitativ metode med hermeneutisk tekstanalyse. Studien er basert på dagboknotater frå åtte kvinner og påfølgjande djubdeintervju med fem av kvinnene. Resultat: Fire hovudtema som gav trøyst var; Framtidshåp, Å bli gjenkjent, Ektefølt nærvær og å Beskytte seg sjølv. Sterkast av alt var framtidshåpet, håpet om å få leva lenger, bli frisk og framleis bety noko for andre. Å bli gjenkjent famnar om det å bli sett, å bli hugsa og at livet ditt har ein verdi.. Ektefølt nærvær ber med seg kjærleiken. Den er sann, ekte og ærleg, på godt og vondt. Fordi sanninga er tufta på kjærleik, gir også dei som vågar å stå i sanninga trøyst. Å beskytte seg sjølv er ein meistringsstrategi som gjer at ein kan ha fråvær av eksistensiell smerte. Konklusjon: Gjennom dagbokskriving og djubdeintervju har kvinner med residiverande eggstokkreft fortalt ope og reflektert om kva som gir dei trøyst. Funna er foreinleg med den teoretiske empirien i oppgåva som viser at den medmenneskelege relasjonen er avgjerande for at ein skal finne meining og verdi i livet. Framtidige studiar bør gå vidare og sjå nærare på eksistensiell trøyst og korleis ein kan implementere denne i praksis.