Fornying av Førde barneskule

Abstract

Førde barneskule slit i dag med eit vedlikehaldsetterslep. Vidare er kapasiteten ved skulen pressa, og kan om nokon år bli sprengd om elevtalet aukar. Målet er å vurdere ulike fornyingsformer. Som verktøy i denne vurderinga, har eg nytta tilstands- og funksjonsanalyse, gjennomført i henhald til NS 3424. Tilstandsregistreringa viser at skulen er i relativt god teknisk stand, men at den er prega av bruk og manglande vedlikehald. Funksjonsanalysen viser at skulen sin funksjonalitet er akseptabel for dagens bruk, men at tilpassingsevna er ikkje så god. Eg drøftar fire fornyingsformer; riving og nybygging, nybygg på ny tomt, verdibevarande vedlikehald og ombygging/påbygg. I drøftinga argumenterer eg for at ein kombinasjon av verdibevarande vedlikehald og ombygging/påbygg er den mest gunstige løysinga.