Bevisste eller ubevisste val? Ei studie i bruken av det kommunale ØH-tilbodet

Abstract

Samandrag -Bevisste eller ubevisste val? Ei studie i bruken av kommunal øyeblikkeleg hjelp tilbodet

Dette er eit kvalitativt studie basert på djupne intervju av kommunelegar og sjukehuslegar for å sjå kva vurderingar dei gjer når dei vel innlegging eller ikkje innlegging av pasient på øyeblikkeleg hjelp tilbodet . 12 kommunelegar og sjukehuslegar er intervjua, og datamaterialet er analysert etter ei delvis strukturert tilnærming (Thagaard,2013). Mitt vitskapssyn er sosialkonstruktivistisk med ein hermeneutisk fortolkingslogikk. Legane sine vurderingar vert belyst gjennom eit institusjonelt perspektiv ved bruk av Scott (2008) sine institusjonelle logikkar. Når legane vurderer øyeblikkeleg hjelp tilbodet finn eg at det er ulike logikkar i spel, nokre er dominerande medan andre er mindre framtredande og det er ulikheit frå sjukehuslegar til kommunelegar.

Funn i studien viser at den profesjonelle logikken og den instrumentelle logikken er dominerande for sjukehuslegane. Samarbeidet mellom profesjonane på sjukehuset ber preg av at sjukepleiar har føringar på vurdering av pasientar til øyeblikkeleg hjelp tilbodet og at lege legg avgjersle i hendene til sjukepleiar på kva pasientar som kan leggast inn på tilbodet. Sjukehuslegane kjenner meir på tidspress og press på knappe ressursar og kapasitet enn kommunelegane, noko som viser at den instrumentelle logikken er meir rådande. Den pasientorienterte logikken er meir dominerande for kommunelegane der dei i større grad enn sjukehuslegane har pasienten sitt behov først og gjev meir etter for pasienten sine ønskje. Eit uventa funn er at bruk av intuisjon vert nytta av dei aller fleste legane i deira vurdering av pasienten, gjerne saman med klinisk erfaring. Det at lege vert utsett for press frå mange kantar gjer at det ofte vert vanskeleg å anvende den medisinske logikken som legane plar å gjere, og fører oftast til innlegging i øyeblikkeleg hjelp tilbodet. Der pasienten vert innlagt på sjukehuset har den medisinske logikken ein mykje større betyding.