Sosial kompetanse hos barn og unge med autisme: Kan trening av Theory of Mind auke sosial kompetansen hos menneskjer med autisme?
Bachelor thesis
Permanent lenke
http://hdl.handle.net/11250/2503616Utgivelsesdato
2018Metadata
Vis full innførselSamlinger
Sammendrag
Det viser seg at menneskjer med autismespekterforstyrring har store utfordringar i sosiale samspel, og ser ut til å vera ”blinde” ovanfor andre menneskjer sine kjensler, uttrykk og forståing. Å trene på sosiale ferdigheiter kan ha stor betyding for barn med autismespekterforstyrring sin trivsel i sosiale sampel som vidare kan verka førebyggande på utfordrande åtferd og psykiske lidingar.
Hensikta med oppgåva er å finne ut om trening av Theory of Mind vil påverke barnets utvikling av sosial kompetanse, samt korleis vi som helsepersonell kan nytte oss av denne treninga for å hjelpe barn med autismespekterforstyrring til å fungere betre i kvardagen. Ved bruk av litteraturstudie har eg knytt ulike teoriar frå litteraturen opp mot nyare forsking. Eg har også supplert med andre kjelder for å svar på problemstillinga.
Hovudfunna i litteraturstudien viser at barn med autismespekterforstyrring er tankeblinde, og at deira utfordringar kan hemme dei i sosiale kontekstar. Intervensjonar som går ut på å trene på Theory of Mind viser at barn med autismespekterforstyrring har mogelegheit til å lære seg sosiale ferdigheiter. Det viser seg at ferdigheitene svært sjeldan blir generalisert, og dermed har lite effekt på den sosiale kompetansen deira. Det er ein einigheit om at dette kan vera ein treningsform som kan hjelpe barn med autismespekterforstyrring til å forstå andre menneskjer, og dermed føle seg komfortable i sosiale samanhengar, men det trengs meir forsking for å komme fram til intervensjonar som også innebere generalisering av lærte ferdigheiter.
Beskrivelse
Vernepleie BSV5-300 Avdeling for samfunnsfag/Institutt for barnevern, sosialt arbeid og vernepleie