| dc.description.abstract | Tittel:
Fatigue utfordrar livskvaliteten
Bakgrunn:
Kreftsjukeleie er noko eg har stor interesse for. Eg har arbeida ved ei kreftavdeling der eg har observert at pasientar med kreft i palliativ fase er plaga med mange symptom. Eg har observert at fatigue er eit lite diskutert symptom til tross for at veldig mange pasientar plagast med det. Eg har lurt på korleis dette symptomet påverkar livskvaliteten til pasientane, og om det er noko sjukepleiar kan gjere for å betre effekten det har på livskvaliteten.
Problemstilling:
Korleis bidra til livskvalitet hjå kreftpasientar i palliativ fase med fatigue.
Framgangsmåte:
Dette er eit litteraturstudie, der eg har gjort metodiske søk etter skriftlege kjelder til å finne svar på min problemstilling. Eg har vurdert kjeldene kritisk etter retningslinjene og basert oppgåva på eksisterande litteratur om emnet. Eg har drøfta problemstillinga ut i frå teori, forsking og eigne erfaringar.
Oppsummering:
Forskinga og litteraturen på området viste klare samanhengar mellom fatigue og redusert livskvalitet, sjølv om eg ikkje fann ein artikkel som klart viste korleis fatigue påverkar livskvalitet, rapporterte pasientane som deltok i undersøkingane at trøttheit, konsentrasjonsvanskar og melankoli var utfordringar for dei i dagleglivet som påverka deira livskvalitet. Årsaksmekanismane som skapar fatigue er delvis ukjent og det finnes difor ingen klare behandlingsprogram for kreftpasientar med fatigue. Tiltak sjukepleiar kan utføre er å observere og behandle underliggande årsaker, motivere til aktivitet og foreta ei vurdering av pasientens psyke. | nb_NO |
